中央打壓樓市的決心愈見積極，有如電影《標殺令》將炒家趕盡殺絕，甚至有傳地區政府正配合中 央，醞釀「限購令」，深圳有機會最早推出。
房產泡沫論的爭辯又再升溫，「末日博士」麥嘉華話好快爆破、另一邊廂鄧普頓基金麥樸思又 話購買力足以支持樓價。其實是否有無泡沫唔緊要，最重要反而係樓市嘅新一輪打壓過後，內地人對買樓嘅心態有否轉變。
眾所周知，內地投 資渠道少，唔係樓就係股，樓市嘅需求往往係一開三甚至一開六，即一個
人或家庭的購買意欲遠遠超過實際住房需求，因為幾乎所有人都認為中國未來每年 都可保持高增
長，樓價只會調整，不會大跌。
ＳＯＨＯ中國（００４１０）董事長潘石屹，以「癌症」去形容當今內地樓市，雖然麵粉比
麵 包貴非常唔合邏輯，但佢認為以中國國情嚟講係正常，而國際慣常用嘅租售比率及租金回報率
等基本因素放喺中國根本係「嘥氣」。
＊內房股短期難有運行＊
樓市預期會降溫，銀行收緊銀根，但不會大跌，對負債比率高嘅發展商影響唔細。包括 碧桂
園（０２００７）、恆大（０３３３３）、佳兆業（０１６３８）等內房股面對資金壓力要集體發高息債集資，十幾厘的息率對經營成本肯定 帶來壓力。去年，內房Ａ股過資本市場融資４４２億元，現時中證監正審核５９間房地產公司的融資申請，當中再融資佔４８間，預料今年集資潮將 繼續。
內房短期股價難有運行，而對間接受影響的內銀股影響則過份被放大。銀監規定第二套房貸利率為基準１﹒１倍，其實反而有助銀行嘅 貸款收益率，因為過去銀行為搶客，往往在息率上打８５折。此外，提高二套房首付至超過５０％，的確有機會做少咗生意，但不要忘記中央將積極增 加細單位及保障性住房供應，相關的貸款有機會彌補損失。業主俾多咗首期，亦有助降低銀行不良貸款。只要央行全年貸款目標７﹒５萬億元無變，銀行自 會變陣調整貸款結構。
仍是不放心的投資者，大可比較一下各大銀行房地產相關貸款佔整體組合嘅情況係點。
去年佔比最重嘅係興業銀行 （３０﹒６４％）、其次係招行（２８﹒０４％）、中行（２５﹒９６％）、建行（２５﹒１３％）、浦發（２３﹒６７％）、民生（２３﹒０３％）及工 行（２２﹒８６％）。而借最多錢畀地產發展商係民生（１１﹒７５％）、南京（９﹒５９％）及興業（９﹒３９％），反而工中建三大行則縮減至較低水 平，分別佔總貸款７﹒３６％、７﹒４７％及７﹒４４％。而交行及招行嘅水平較低，只佔７﹒０３％及５﹒７９％。
＊內銀反彈力度將較大＊
由此可見，即使發展商資金出現問題，對幾大銀行股所受嘅影響遠不及地方銀行大。招行
（０３９６８） 按揭貸款佔比最重，樓市降溫短期將受較大影響，不過隨著加息憧憬令存貸息差
有望擴闊，按揭貸款亦是相對優質的貸款，股價再大幅下跌嘅空間有限。當 市場充分消化有關壞
消息，佢反而應該係反彈力度較大嘅內銀股。
《獨立股評人 胡孟青》
沒有留言:
張貼留言